BR LA UNION – Dismayado ken inawagan a ‘fake news’ dagiti cabagyan ti pimmusay a beterana nga actress iti panagwaras online ti maipagarop a sumagmamano a milyon a last will and testament na.
Segun iti kampo ti aktres, saan a pudno iti nagwaras a damag ken saan a rumbeng a tutupan daytoy ti publiko.
Ibilang ti maseknan a pamilya a maysa a kita ti panang-bastos wenno kaawan ti respeto iti aktres iti pannakaiwaras ti nadakamat nga impormasyon.
Plano ita ti kampona na nga idarum wenno kaswan dagiti adda iti likudan ti panagwaras ti peke a damag.
Idi kalman, Enero 29, na-cremate ti bangkay ti beterana nga aktres.
Mainaig ti daytoy, nangidatag ti resolusyon iti aktres ken Congressman Lani Mercado-Revilla kas panangbigbig iti talento ti aktres.
Malagip a pimmusay ti movie icon idi Enero 25 iti edad a 91.
