BR LA UNION – Nagsumite iti kampo ni sigud a President Rodrigo Duterte ti joint report manipud kadagiti innala da a medical experts.
Segun iti abogado ti sigud a presidente a ni Nicholas Kaufman, ti nasao nga addang ket kas suporta iti waragawag da iti pudno a kasasaad ti salun-at ti 80-anyos nga ex-president ken nu apay a kasapolan a waya-wayaan daytoy manipud iti pannakaibalud idiay International Criminal Court (ICC) facility.
Iti 12-a-pinanid a report nga insumite da iti ICC Pre-Trial Chamber I, ibagbaga a ti baro a medical evidence ket pang-suporta iti Pre-Trial Chamber iti salun-at ti sigud a presidente para iti panagdatag na iti panagdengngeg.
Nakailanad iti joint report, a ti sigud a presidente ket agsag-sagaba iti: lacks executive functioning, sustained planning capacity, rapid decision-making, physical stamina, and the ability to evade supervision.”
(Agkur-kurang iti executive functioning, kurang ti kapasidad nga agplano, agdesisyon, pisikal a pigsa ken awan metten ti abilidad na a liklikan ti superbisyon.)
Gaputi dayta, agpar-parang nga awan ti kabaelan ti sigud a presidente a pangtaan dagiti testigo ken dadaelen iti integridad ti imbestigasyon.
Kiddaw ni Kaufman a rumbeng nga adalen ti Pre-Trial Chamber nga aprubaran ti interim release ni Duterte gapu kadagiti nadakamat a kondisyon ti sigud a presidente.
Maipalagip nga idi Disyembre 5, 2025 ket nangdutok ti ICC ti panel of experts a mangamiris iti salun-at ti sighud a presidente nu adda ti kabaelan na a dumar-ay iti panagdengngeg ti kaso na.
Nakabalud ti sigud a presidente gaputi kaso a crime against humanity manipud iti kampanya na kontra iligal a droga idi isuna pay ti presidentei pagilian ken idi mayor idiay Davao City.
