Makaalarma ken makapakigtot para iti kampo ni sigud nga House Speaker Ferdinand Martin Romualdez iti pannakaikkat ni sigud a Department of Public Works and Highways (DPWH) Secretary Manuel Bonan manipud kadagiti akusado iti kaso a plunder nga adda pakainaiganna iti flood control scam.
Impalagip ni Atty. Ade Fajardo nga idi binukel ti Ombudsman iti special panel a mangisayangkat iti preliminary investigation kontra kenni Romualdez ket awan ti uray maysa a kameng ti DPWH iti nangibatad ti alegasion kontra kenni Romualdez.
Impaganetget na pay nga idi nagparang ni Bonoan iti sango ti Senate Blue Ribbon Committee ken ti Independent Commission for Infrastructure, awan ti imbaga na nga adda ti pakainaigan, pannakairaman wenno pannakipaset ni Romualdez kadagiti maanomalya a flood control projects.
Makapadanag para kenni Fajardo iti panagbalin ni Bonoan a nawaya ken maysan a potential witness.
Gapu iti daytoy, tinakderan na nga iti agdama ket awan ti “credible evidence” kontra kenni Romualdez, kalpasan nga inbabawi dagiti lima a Maleta Boys, agraman ti star witness a ni Orly Guteza, dagiti immun-una nga statement ken alegasionda.###
