Nangipila iti kampo ni Bise Presidente Sara Duterte ti motion for inhibition kontra kenni Quezon City Regional Trial Court Branch 98 Judge Maria Angelica De Ramos, rason tapno maitantan iti arraignment ti bise presidente iti tallo a bilang ti grave threats.
Segun kenni Clerk of Court Angelo Del Mundo, inpila dagiti abogado ni Duterte iti mosion idi rabii ti Setiembre 10 babaen ti email, ket naikkan iti prosecution ti lima nga aldaw tapno agkomento sakbay nga agdesision iti hues.
Kenuna ni Atty. Paul Lawrence Lim a naitantan met iti arraignment bayat a maur-uray ti petisionda iti Korte Suprema para iti temporary restraining order kontra iti proceedings.
Immunan a nangipaulog iti Branch 98 ti arrest warrant kontra kenni Duterte idi Setiembre 4 ken naikeddeng iti piyansa iti ₱120,000 iti tunggal kaso ti grave threats.###
