Imapela ti kampo ni sigud a Presidente Rodrigo Duterte iti desision ti Pre-Trial Chamber a panangibasura iti karit da a saan a sakop ti International Criminal Court iti kaso a sangsangwen ti sigud a Presidente.
Ti nasao nga apela ket indauluan da Nicolas Kaufman, ti lead counsel ken ni Dov Jacobs, ti Associate Counsel ni Duterte.
Tarigagay ti kampo ti sigud a Presidente a baliktaden iti nairuar a desision idi Oktubre 23.
Nakailanad met iti apela nga awan ti legal a basaran tapno ituloy ti ICC iti panagdingeg ti kaso.
Kiddaw da pay ti madagdagos ken unconditional release ni Duterte.
Naarestar ti sigud a Presidente idi Marso 11 gapo iti crime against humanity a nagtaud ti nadara a kampanyana kontra ilegal a droga bayat ti panagtakem na.###
