LA UNION – Inaprubaran ti Bureau of Internal Revenue (BIR) iti kanayunan a 15 nga agas a ma-exempt iti value-added tax (VAT).
Kabilang ditoy dagiti agas para iti cancer, high cholesterol, hypertension, ken mental illness.
Iti nasao a na-update a listaan dagiti agas a saanen a mabuwisan ket nairuar kasaruno ti rekomendasyon manipud Food and Drug Administration (FDA).
Segun kenni BIR Commissioner Romeo D. Lumagui, Jr., iti ahensya da ket maysa itan a service-oriented .
Kinuna na nga agtul-tuloy a suportaran da iti panangikagumaan ti gobyerno a tulungan dagiti pasyente ken pamilya a makaala ti mas nalaklaka nga agas.
