Makisarita iti Pilipinas iti Amerika para iti posible a panangideploy ti kanayunan a military assets ken alikamen pakairamanan ti missile system, ken intelligence gathering kas paset iti panangpapigsa ti Pilipinas ken Estados Unidos iti military coordination ken defense strategy.
Segun kenni Philippine Ambassador to the US Jose Manuel “Babe” Romualdez, adda dagiti nakaituding a joint military exercises sakbay a malpas iti tawen tapno sanayin dagiti soldado ti Pilipinas partikular iti panangusar dagiti alikamen a mabalin nga ipaay ti Estados Unidos.
Dagiti nasao nga addang ket sagudayen ti 1951 Mutual Defense Treaty ken Enhanced Defense Cooperation Agreement iti nagbaetan ti Pilipinas ken Amerika, para iti depensa ken panagsalaknip iti teritoryo ti pagilian.#
