Impadamag ti North Luzon Expressway Corp. (NLEX) iti umadani a surcharge kadagiti toll fees a naikeddeng a maipatungpal inton bigat, Enero 20.
Segun ti NLEX management, abrobado ti Toll Regulatory Board iti kanayunan a singir kadagiti toll fees.
Naituding nga agbayad dagiti motorista nga agbiahe iti sidong ti open system ti kanayonan a ₱6 para kadagiti Class 1 Vehicles, ₱12 para kadagiti Class 2 Vehicles kas kadagiti bus ken babassit a trucks bayat a ₱16 para kadagiti Class 3 Vehicles.
Maaddaan met ti kanayunan a singir dagiti adda ti closed system a ₱0.26 tunggal kilometro, ₱24 kadagiti motorista end-to-end idiay NLEX ken Class 1, ₱60 kadagiti Class 2, ken ₱72 para ti Class 3.###
