BR LA UNION – Agserbi nga associate counsel ti defense team ni sigud a President Rodrigo Duterte iti abogado a nainayon iti nasao a grupo.
Idi kalman, Abril 8, inruar ti International Criminal Court (ICC) iti maysa a court filing a mangipak-pakita nga innala ti defense team iti beterano nga abogado a ni Dov Jacobs.
Ni Jacobs ket maysa nga accredited ICC lawyer, ken eksperto iti international law ken international criminal law.
Sigud a nagbalin a paset ti defense team ti former president ti Ivory Coast a ni Pres. Laurent Gbagbo, a dati a simmango iti kaso a crimes against humanity ngem idi agangay ket in-aquit iti Trial and Appeals Chamber ti ICC.
Nagbalin pay a paset ti defense team ni Mahamat Said Abdel Kani, maysa a sigud a general manipud Central African Republic a sumangsango iti nagduduma a kaso kas ti war crimes ken crimes against humanity iti international tribunal.
Ni Jacobs ket nagserbi nga assistant professor ti public international law idiay Netherlands ken agisursuro iti naduma-duma nga unibersidad idiay France.
