AGTULTULOY nga im-imbestigaran ti Bacnotan Police Station ti napasamak a panagtakaw iti kapilya ti Jehova’s Witnesses iti Barangay Raois.
Immuna iti daytoy, impakaammo ni PCI Reynaldo Soria, hepe ti Bacnotan Police Station, a dimmatag iti pulisia dagiti mangibagbagi iti kapilya kalpasan a natakaw ti digital light projector ken DVD player nga agbalor iti P27,000.
Naamuan nga agsagsagana dagitoy iti pamisa idi naduktalanda a nadadael ti jalousy iti tawa ken ruangan ti kapilia ken naperdi ti padlock iti public address box a nakaidulinan dagiti nasao nga appliances.
Saan pay met ita a masinunuo no asino ti adda iti likudan ti nasao a panagtakaw.
