Agtultuloy a nakapamaysa iti Embahada ti Pilipinas idiay Thailand ti kasasaad ti ‘Filipino community’ kagiddan ti nasaknap a panagtudo ken panaglayus iti nasao a pagilian.
Segun kenni Philippine Ambassador to Thailand Millicent Cruz-Paredes, awan pay iti Pilipino a naipadamag a kimmamang ti aniaman a temporary shelter.
Dagos met a nangipadanon kadagiti mainum a danum ken dadduma pay a kangrunaan a pagkasapulan ti Embahada para kadagiti Pilipino gapo ti insidente iti panic buying ken hoarding ti taraon kadagiti dadduma a lugar.
Laksid na ket inlawlawag ti Embahada nga agtaltalinaed a kontrolado ken saan pay a nakaro la unay iti sitwasyon.
Nagpanawagan pay iti Philippine Embassy kadagiti Pilipino nga adda sadiay Thailand nga agtalinaed nga alerto ken insigida nga ipakaammo ti aniaman a kasapulan pay a kanayunan a tulong.
