LA UNION – Maragsakan ni Dr. Hector Beñas, provincial health officer ditoy La Union, a nangipadamag iti Bombo Radyo a bimmaba iti 46 a porsiento dagiti kaso ti sakit a dengue iti intero a probinsiya.
Daytoy ket nu idilig iti datus ti PHO, iti napalabas tawen 2016.
Impaganetget ni Dr. Beñas nga agtultuloy iti panagbaba ti kaso ti dengue ditoy probinsiya kagiddan iti agtultuloy a kampanya maipapan kadagiti wagas a mangpaksiat iti lamok tapno maliklikan iti sakit a dengue.
Iti sakit a dengue ket patauden iti lamok nga aedes aegypti, a masansan nga agbiag kadagiti nalitnaw ken stagnant a danum.
Iti sakit a dengue ket maysa nga acute fever a gapwanan ti virus.
