Insayangkat ti Manila Regional Trial Court Branch 12 iti pre-trial kadagiti tallo a criminal case ni sigud a Negros Oriental Representative Arnolfo Teves Junior.
Adda pakainaigan daitoy kadagiti dua a bilang ti kaso a murder na ken ti maysa a pay nga illegal possession of firearms.
Segun kenni Attorney Ferdinand Topacio, legal counsel ni Teves, dimmar-at iti kliyente na ti pre-trial babaen ti video teleconference.
Kiniddaw pay iti kampo da nga isubli dagiti witnesses tapno makaisayangkat da met iti cross-examination.
Innayon pay ni Topacio nga intuding ti korte iti panagdengngeg kadagiti kangrunaan a kaso ni Teves ti agingga 2026 bayat a dagiti dadduma met a kaso ket nakatuding inton Agosto 4 iti agdama a tawen.
Mainaig iti daitoy ket inlawlawag ti abogado a saan da a panggep a tantanen iti trabaho nu ketdi ket pabor da a malpas daitoy iti kabiitan a panawen.
