Impaganetget ni Senador Bong Go nga maysa laeng a “diversionary tactics” iti impila a kaso ni sigud a Senador Antonio Trillanes kontra kenkuana.
Kenuna ni Go iti maysa a press conference nga iti rumbeng a kamaten ken kasuan ket dagiti pudno a karaman iti panagkunniber ken ghost projects iti sidong ti flood control program ti gobierno.
Impasigurado na a saan isuna nga agpagpagamit iti aniaman a negosio ti pamilyana ken saan na nga ar-aramaten iti posision tapno paboran isuda.
Kabayatanna, inakusaran na ni Trillanes a mangprotprotekta laeng kadagiti “financers” ken dagiti adda iti likudan ti “black propaganda” – nga isu iti rumbeng a mabalud gapo ta isuda iti pudno a nagtakaw.
Impaganetget ni Go a saan isuna nga agtatakaw, saan a kontraktor, ken maysa laeng a senador nga agserserbi kadagiti Pilipino nga addaan ti delekadesa ken prinsipio.
Iti sabali a bangir, dinillaw na iti recycled wenno rehash nga isyu ni Trillanes kontra kenkuana sipud pay idi Setyembre 2018, 2021, ken idi napalabas a tawen 2024 sakbay ti kandidatura na kas Senador.
Innayon na pay nga iti pamilia ni Trillanes iti awan ti delekadesa na.###
