LA UNION – Imbasura ti korte ti kaso a panagramesan laban ti maysa a sigud a barangay chairman idiay syudad ti San Fernando, La Union.
Base iti desisyon ng inruar ni San Fernando City, La Union Ragional Trial Court Branch 30 Judge Alpino Florendo, napaay dagiti agrekreklamo a mapaneknekan dagiti pammabasol a panagrames kontra kenni sigud a Pagdaraoan, San Fernando City Barangay Chairman Raul Octavogapu ti kinakurang iti ebidensya.
Iti pannakiuman ti Bombo Radyo kenni Octavo, kinunana a rimmuar met laeng iti kinapudno maipapan kadagiti malisyoso a pammabasol laban kenkuana dagiti ag-rekreklamo.
Nakaanges met daytoy iti nalukay gapu ta malinisanen ti naganna gapu ti panangpabor ti pangukuman iti depensana.
Kabayatanna, impaganetget ti sigud nga opsiyal nga addaan ti maris politika wenno panangdadael iti panangidatag ti reklamo kontra kenkuana gapu iti panangipagarup dagiti complainant a matuloy ti eleksyon iti barangay.
Agyamyaman met ni Octavo kadagiti amin a nangsuporta kenkuana tapno maipangabak ti kaso.
Immuna iti daytoy, naidarum ti sigud a kapitan gapu ti maipagarup a panangmolestiyana iti 6-anyos nga ubing a babai idiay lugarda.
