Kumpirmado nga adda ita iti kason ti African Swine Fever idiay Aringay La Union.
Kalpasan ti pannakakumpirma ti kaso ti African Swine Fever wenno ASF idiay ili ti Aringay La Union nangipaulog ti Executive Order dagitii nagduduma nga ili ditoy La Union kas ti ili ti Pugo babaen ti executive Order No 30 series of 2023 manipod kenni Mayor Kurt Walter Martin.
Nainget pay a maiparit ti panagparti kadagiti taraken a baboy kadagiti barangay ti ili ti Pugo ken masapol dagitoy a maiturong idiay Municipal Slaughter House tapno idiay a maparti tapno masigurado a natalged dagitoy ken saan a maapektaran ti nasao a sakit.
Karaman pay ditoy iti ili ti Bagulin a nangipaulog ti Executive Order tapnu saanen nga umado pay ti maapektaran ti African Swine Fever.
Dagitoy ket maitunos manipod Office of the Provincial Veterinarian iti probinsya ti La Union dagiti Barangay ken ili ditoy La Union nga sumurot kadagiti wagas tapnu ma-kontrol ti panagwaras ti sakit iti baboy wenno African Swine Fever.
