LA UNION – Nanayunan pay dagiti lugar ditoy La Union a nastrek iti agraraira a sakit dagiti baboy, nga African Swine Fever (ASF).
Kabilang ditoy iti Sitio Tondo idiay Barangay Rissing iti ili a Bangar ken Barangay Ar-arampang, Bungol ken Pa-o ti ili a Balaoan kalpasan a positibo iti rimuar a resulta dagiti naala a blood samples kadagiti nasao a dingwen.
Gaputi dayta, dagus a maipatungpal dagiti maiparbeng nga addang kangrunaan na iti culling operation iti 500 km radius zone.
Immunan a kinumpirma ti lokal a gobyerno ti Bangar idi Martes, iti baro nga ASF case idiay Barangay Sinapangan Sur ken Sitio Apaleng Norte, Rissing, Bangar La Union bayat nga idi kalman Octobere 14, 2020 a nakumpirma idiay ili ti Balaoan.
Iti agdama, umaboten ti 14 nga ili ken maysa a syudad ditoy probinsiya a La Union iti sinerreken ti sakit dagiti baboy nga ASF.
Agtaltalinaed a problema ti pagilian iti African Swine Fever wenno ASF iti laksid a makatawenen nga ipatpatungpal ti Department of Agriculture iti naduma-duma nga interbensyon tapno lapdan iti panagwaras daytoy.
