LA UNION – Dackelen ti bimmaba-an iti kaso ti illegal recruitment ditoy rehiyon uno.
Iti eksklusibo nga interview ti Bombo Radyo La Union kenni Ferdinand Jose E. Merrera, head iti POEA Regional Center for Luzon, kinuna na nga iti napalabas a dua a tawen ket tallo agingga iti uppat laengen a reklamo ti illegal recruitment iti naidatag iti opisina da.
Daytoy ket nababa nga amang kumpara iti datus ti opisina idi 2011.
Pattien unay ni Merrera, a naleksiyonen iti publiko ken na-edukaran metten dagiti umili babaen iti information dessimination maipapan iti illegal recruitment.
Impaganetget ni Merrera, nga agturong laeng iti opisina da wenno kadagiti PESO offices iti bukod a lugar, tapno madetermina dagiti lehitimo a recruitment agency ken maliklikan ti pannaka-allilaw.
