Nagun-od ni Philippine representative Katrina Anne Johnson iti Miss Visit Japan special award iti Miss International 2026, a mangipapaay iti kanayunan a tsansa iti pagilian a maala iti maikapito a korona iti prestihiyoso a pageant.

Pinasingkedan ti Binibining Pilipinas organization iti panagbigbig kenni Johnson, a mangipagpaganetget iti kultura, pannakigayyem, ken panagkaykaysa dagiti pagilian.

Malaksid daitoy, nakagun-od met ti pammadayaw iti national costume na a “Buklod,” a dinisenyo ni Manny Halasan kas panagrambak iti 70 a tawen a koneksion ti Pilipinas ken Japan.

Tampok ditoy iti piña, abaca, pearls, sampaguita, ken Japanese shimenawa.

Maangay iti coronation night inton Nobyembre 25 idiay Japan.

Target ni Johnson a suruten iti journey dagiti innem a Pilipina a nagballigi iti nasao a kompetisyon ken maiyawid iti maikapito a Miss International crown ti pagilian.