LA UNION – Naiyuswat iti kaunaan a flight tour package manipud San Fernando La Union to Basco Batanes, idi April 5, 2019 kagiddan iti panaglukat ti maika-walo a tawen itan a Sillag Festival 2019.
Ti nasao a flight ket nagpaut iti maysa ket kagudwa nga oras.
Nupay kasta, inton Enero 2020 pay nga agbalin a full-blast iti operation ti nasao a ruta manipud San Fernando City airport.
Iti Sillag Festival (Festival of Lights) a tinawen a maisay-sayangkat iti Poro Point bay walk ket naadaw iti Ilocano word a “sellag,” a ti kaipapanan na ket “moonbeam” wenno sellag ti bulan.
Isutgapuna, nga amin nga aktibidad kas ti fun run; street light dancing competition with light emitting performance; air show, lights parade, pyromusical show, ken dadduma pay ket maisayangkat laeng nu lumneken ti init wenno sunset.
Iti Sillag Festival ket kaibatugan iti Panagbenga Flower Festival idiay Baguio City ken Hot Air Balloon Fiesta idiay Clark, Pampanga nga agpada a crowd-drawing events iti North Luzon.
