Aktibo a nakipartisipar dagiti nagduduma a kameng ti gobierno iti kick-off ceremony ti Crime Prevention Week ita nga umuna a lawas ti bulan ti Setyembre nga addaan tema a “Pinalakas na Pamahalaang Lokal para sa Ligtas na Pamayanan: Pagpapatibay ng mga Programa sa Pag-iwas sa Krimen sa Ilalim ng Community and Service-oriented Policing” a naangay idi kalman sadiay People’s Park ditoy ciudad ti San Fernando.
Ti aktibidad ket indauloan ti National Police Commission (NAPOLCOM) Regional Office 1, babaen ti pannakikoordinar iti Department of the Interior and Local Government (DILG), Police Regional Office 1 (PRO1), La Union Provincial Police Office (LUPPO), City of San Fernando Police Station nga idadauloan met ni PLTCOL ROGELIO B MIEDES, kasta metten dagiti dadduma pay a law enforcement agencies, line agencies, media partners, ken Non-government Organizations.
Tampok iti programa iti nasapa a fun run, kalpasanna ket ti inspirational messages manipud kadagiti guests, distribution kadagiti whistles wenno pito, ken pledge and signing of commitment.
Nagleppas daitoy babaen ti community dance a simbolo iti panagkaykaysa ken panangital-o ti kinatalged ken seguridad ti intero a probinsya ti La Union.
