Pinagkedkedan iti Sandiganbayan Fifth Division iti mosyon ni Senador Jinggoy Estrada a makadar-ay iti impeachment trial ni Bise Presidente Sara Duterte.
Manipud iti pito-pinanid a resolusyon a nairuar idi kalman, Hulyo 9, 2026, ket kinuna iti korte a ti mosyon ket “bereft of merit” wenno awan iti umdas a basaran na.
Segun iti Sandiganbayan, nupay napateg iti impeachment trial iti Konstitusyon, saan met daitoy a maibilang kas “emergency” wenno rason a “compelling temporary leave.”
Gapo kadaitoy ket saan a napalubosan ni Estrada a makaruar iti pagbaludan tapno agserbi kas senator-judge idiay Senate Impeachment Court.
Nakadetene ni Estrada mainaig iti kaso manen a plunder nga adda pakainaigan na kadagiti korap a flood control projects ti gobierno.
