Impeksa ni actress-host Kim Chiu ti kapanunotanna kalpasan a nakaawat iti kritisismo ken pangta a mainaig iti statement-na iti social media maipapan iti mapaspasamak iti pagilian.
Segun kenni Kim, naliday isuna gapu ta arigna kayat da a mapaulimek isuna gapu laeng iti panangiyebkasna iti opinion, ken kas maysa a Bisaya ken Pilipino, adda ti karbengan na nga agsao ken mangiyebkas ti kapanunotanna.
Innayon ni Kim a nasaem kadagiti ordinario nga umili nga agbaybayad iti buwis no makitada dagiti kontrobersia a sangsanguen ti pagilian.
Iti maudi a paset ti mensahena, nangusar ni Kim iti pagsasao a Bisaya tapno maallukoy iti publiko a mangliklik iti panaglalaban gapu ta agduduma ti kapanunutan ti tunggal maysa.
