Nagpanawagan ni North Korean leader Kim Jong-un ti napartak a panangpalawa ti nuclearization kasaruno ti panangbabalaw na ti military exercises ti South Korea ken Estados Unidos a kinunana ket napeggad ken panangrubo ti Pyongyang.
Ti waragawag ni Kim ket kasaruno ti panagbisita dagiti warships idiay Korean Peninsula a Choe Hyon para ti umuna nga aldaw ti Ulchi Freedom Shield – maysa a joint military exercise ti Estados Unidos ken South Korea nga agpaot agingga Agosto 25.
Kinuna pay ni Kim a dagiti military exercises ket nalawag nga indikasyon ti panagbalin nga agresibo ti Estados Unidos ken South Korea kontra kadakuada, ken imbatad na a gapo kadaitoy ket kasapulanen a mapalawa pay ti nuclear program ti North Korea.
Simmungbat met iti South Korean Unification Ministry ken inladawan dagiti military drills kas defensive in nature ken awan ti intensyon na a mangpartuat ti tensyon iti rehiyon.
Segun kadagiti eksperto, ti panagbisita ni Kim kadagiti warships ket nairanta tapno ipakita ti determinasyon ti Pyongyang a papigsaen pay ti armas da a nuclear, kasaruno ti umadano a panagtataripnong da South Korean President Lee Jae Myung ken ni U.S. President Donald Trump inton Agosto 25.
