Linaglagip ti Police Regional Office-1 idiay Ilocos dagiti kinabannuar nga inaramid ti SAF 44 iti Day of National Remembrance idi Sabado, Enero 25.
Naangay ti seremonia sadiay kampo ti kapulisan idiay Ilocos kas panglaglagip iti sakripisio dagiti bannuar para iti kappia.
Nangipadanon ni Police Brigadier General Lou Evangelista, hepe ti Ilocos Police ti pannakipagriknana kadagiti pamilia ti SAF 44.
Impaganetget na dagiti pagalagadan ti kinatured, umno ti nasapataan a trabaho, ken di mabannog a panangtungpal iti pagrebbengan.
Indagadag ni Evangelista iti tunggal maysa nga agbiag kadagiti ideal ti panangiparang iti kinabannuar ken ikagumaan ti ad-adda a natalna ken natalged a masakbayan.
Ti tema ti panagrambak ket “Courage Beyond Measure: Remembering the Sacrifice of the SAF 44 for Peace for this Year.”
Naipangato ti bandera ti Pilipinas iti half mast.
Nangrugi ti seremonia idiay Manor, Camp John Hay, Baguio City, babaen ti maysa a Misa.
Nagpadayaw met ni Edna Tabdi, ina ti pimmusay a senior inspector a ni Gednat Tabdi ken dagiti kakaduana.
