Impaganetget ni Senate President Win Gatchalian iti agtultuloy a kinakurang ti principal kadagiti pampubliko a pagadalan ditoy pagilian.
Kinuna na nga agingga 50% wenno 23,000 iti amin a 45,928 a pampubliko a pagadalan iti intero a pagilian iti awanan pay laeng ti principal.
Kimmiddaw ti Department of Education (DepEd) iti kanayunan a P10.52 billion tapno maka-hire ti 14,126 School Principal I positions.
Impaganetget pay ti Senate President iti kinapateg ti panang-sungbat ti nasao a problema kadagiti public schools, agsipudta napateg ti papel dagiti principal iti panangipaay ti nasayaat a panangidaulo ken panangital-o ti morale dagiti mangisursuro.
Segun met kenni Education Undersecretary Wilfredo Cabral, mabalin a mapullatan ti sumagmamano a principal positions babaen ti reclassification dagiti Head Teacher ken Teacher-in-Charge iti sidong ti Expanded Career Progression System, a nakailatangan ti P12.09 billion iti National Expenditure Program (NEP).
