Pinapigsa ti Gobierno Probinsial ti La Union dagiti pograma para iti disaster preparedness ken environmental protection kas paset dagiti prayoridad nga inlatag ni Governor Mario Eduardo C. Ortega iti State of the Province Address (SOPA) idi Hulyo 28, 2026 iti Speaker Pro Tempore Francisco I. Ortega Convention Center idiay Barangay Sevilla, City of San Fernando, La Union.
Segun ti gobernador, naiyusuat iti prepositioning dagiti relief goods, panangipaay ti 259 multi-purpose vehicles kadagiti barangay ken panaggatang dagiti heavy equipment tapno mapapartak iti panagsungbat kadagiti kalamidad.
Kagiddan ditoy, napalawa met dagiti programa iti panangtaripato iti aglawlaw karaman ti community tree planting, panangpapigsa iti solid waste management, panang-upgrade dagiti sanitary landfills ken dadduma pay a proyekto a maituno iti nasional ken sangalubongan nga environmental standards.
Kenuna pay ni Gov. Ortega a napateg dagitoy nga addang tapno masigurado iti kinatalged dagiti residente ken mataripato iti natural a gameng ti probinsia.###
