LA UNION – Sumangsango ita iti kaso a frustrated murder ken panag-pangta iti 18-anyos nga estudyante a nangbagsol ken maipagarop a nangipangta a patayen na iti maysa a barkada daytoy.
Nagramot iti kaso gapu laeng ti kinnantiyaw dagitoy iti group chat iti facebook.
Iti biktima ket nabigbig a ni John Nestor Cajanding, 25, baro, bayat a ti suspek ket ni Eleazar de Guzman, 18, maysa a working student, ken agpada a residente ti Poblacion Norte, Caba, La Union.
Base iti report ken salaysay ti suspek kadagiti pulis, iti nakaru a rurod iti nangiduron kenkuana tapno bagsolen iti biktima.
Idi makita ti suspek iti biktima a gumat-gatang ti sigarilyo iti maysa a tarcena ket dagus na nga inasetgan ken binagsol, a nakasugatan iti ima ni Cajanding.
Naiturong ti biktima idiay Caba District Hospital ken adda metten iti natalged a kondisyon.
Bayat a ti suspek ket inarestar dagiti nagresponde a pulis.
