Dimmakkel iti napagtipon a net income dagiti banko ditoy Pilipinas ti 5.2% iti umuna nga innem a bulan ti 2026, a dimmanon ti ₱208.39 billion manipud iti ₱198.14 billion iti kapada a panawen idi napalabas a tawen, segun iti inisial a datos manipud ti Bangko Sentral ng Pilipinas (BSP).
Ngimmato ti pakabuklan nga operating income ti industria iti ₱761.14 billion, a kangrunaan nga ingubuay ti 13.1% a panagngato ti net interest income a dumanon ti ₱638.95 billion.
Nairekord met iti panagngato ti interest income bayat a bimmaba iti interest expenses, a nangpapigsa iti natgedan dagiti banko.
Laksid daytoy, dimmakkel iti gastos ti industriya. Ngimmato iti non-interest expenses ti 9.9% bayat a ngimmato ti 32.2% iti ponso a naitukon para iti posible a pannakalugi kadagiti pautang ken dadduma pay a financial assets kas panagsagana iti credit risks.###
