Kiniddaw ni Veronica “Kitty” Duterte iti Korte Suprema a resolbaen iti petision ti dagos a panakapaawid ti amana a ni sigud a Presidente Rodrigo Duterte.
Segun ti abogado na a ni Atty. Salvador Panelo, nangipila dan ti urgent motion tapno maresolba ken bilinen iti gobierno ti Pilipinas nga urnusen iti panangpaawid iti sigud a Presidente.
Innayon pay ni Panelo a naaddaan ti saan a nasayaat nga resulta iti nabayag a panagulimek ti Korte Suprema iti petision kontra iti panakaarestar ken panangiyakar kenni Duterte iti International Criminal Court.
Nakalanad pay iti nadakamat a mosion iti panangpaawid ti Pilipinas kenni sigud a Congressman Arnolfo Teves Jr. manipud Timor-Leste.
