LA UNION – Sinuspinde ti Provincial Government of La Union (PGLU) ti serrek iti amin a provincial offices, partikular ditoy San Fernando City, ita nga aldaw ti Miyerkoles, Agosto 28, 2019.
Malaksid laeng kadagiti opisina ken departamento a mangipapaay ti napapateg a serbisyo kas iti ospital, local disaster relief and response ken law enforcement units.
Kagiddan daytoy, suspendido pay iti amin a klase, manipud pre-school agingga college level iti public ken private schools iti intero a probinsiya.
Daytoy ket panang-antisipar met laengen iti posible nga epekto ti namnamaen a narungsot a panawen a tugot ti bagyo Jenny.
Itay parbangon, nasapa a nagturong ni La Union Gov. Pacoy Ortega iti Provincial Disaster Risk Reduction and Management Office, tapno siguradwen a nakasagana iti amin a disaster frontliners ken response teams iti posible nga epekto ti Tropical Depression Jenny.
