LA UNION – Nangrugi manen ti klase iti senior high school ken kolehiyo idiay Hong Kong (HK).
Iti pannakiuman ti Bombo Radyo kenni Emily Miranda nga adda ita idiay Hong Kong, kinunana a dagiti nadakamat a tukad laeng iti mapalubusan a mangrugi ti leksyon kadagiti eskwelaan.
No pay awan ti kaso ti COVID-19 iti nasao a lugar ket nairot iti panangipatungpal ti panangisuot ti face mask ken panangitugot iti sanitizer kangrunaan kadagiti estudyante.
Maipalagip, temporaryo a nagsardeng ti klase kadagiti pagadalan idiay Hong Kong idi Chinese New Year gapu ti panagwaras ti COVID-19.
Kabayatanna, base pay iti istorya ni Miranda, naminsan manen a rimsua ti rally idiay Hong Kong nga asideg kadagiti pagadalan ken sumagmamano a barikada ti naikabil kadagiti lansangan.
