Kolehiyala, insalakan dagiti surfers manipud iti pannakalames idiay baybay
LA UNION – Adda itan ti nasayaat a kasasaad ti maysa a kolehiyala a gistay nalmes idiay surfing area ti Barangay Urbiztondo, ili ti San Juan, La Union.
Naammuan ti Bombo Radyo manipud ti San Juan Police Station, nagtutulag nga agpariir ken agdigos dagiti aggagayyem idiay baybay kaddua ri 20-anyos a kolehiyala a ni Crisisa Ancheta idiay surfing area.
Idi a mapaliiw dagiti beach goers a malmalmesen ni Ancheta ket dagusda a nagkiddaw iti arayat manipud kadagiti surfers.
Naalaw met dagiti sufers ti kolehiya ken dagus daytoy a naiturong iti kaaseggan nga ospital.
