Limmabes iti target iti nakolekta a birok ti Bureau of Customs (BOC) idi Hulyo kalpasan a dimmanon iti nasurok-kumurang ₱85.77 billion iti pakabuklan a koleksion daytoy, a nangatngato ti ₱3.77 billion maiyarig iti naikeddeng a target nga ₱82 billion.
Segun kenni Customs Commissioner Ariel Nepomuceno, naaramid daytoy gapu iti nair-irut nga assessment kadagiti kargamento ken napasayaat a performance dagiti pantalan iti intero a pagilian.
Agtultuloy iti nagsasaruno a pannakaartap ti ahensia iti naituding a revenue target.
Kenunana, dumanon ti ₱3.8 billion agingga ₱4.2 billion iti kadawyan a koleksion ti ahensia tunggal aldaw bayat a nainget a banbantayan iti assessment ken dadduma pay a proseso ti panagkolekta ti buwis.###
