Agkidkiddaw ti tulong kadagiti pada na nga artista iti beterano a komedyante a ni Romeo “Romy” Pastrana, wenno pagaammo kas Dagul, gapu kadagiti sangsangwen na a problema pangpinansial gapu iti kinaawan ti proyekto.
Segun ti 66-anyos a komedyante, simmayaat ti salun-atna no idilig idi napan a tawen a masansan a maiturong iti ospital.
Nupay kasta, agtultuloy ti panagagas na gapu iti sleep apnea, sakit ti bara, ken ti konsidion ti kidney na.
Kenuna ni Dagul a marigatan met isuna a magna ken agtakder a diretso gapu iti problema iti tulang.
