LA UNION – Agtultuloy iti imbestigasyon dagiti otoridad iti napasamak ken maipagarop a naigagara a panang-dungpar ti behikulo ni Retired Gen. Pedro Ubaldo, a nagluganan ti abogado daytoy.
Base iti impormasyon a nakalap ti Bombo Radyo Newsteam, tumartaray ti nasao a behikulo agturong iti pantar road ti nasao nga ili, idi maipagarop a nadungpar iti kutit ti behikulo babaen ti lugan a kukua ti kalaban da a partido.
Gaputi dayta, timpuar iti komosyon iti baetan ti dua a grupo, ngem naatipa babaen iti panagresponde ken pannaki-ballaet ti militar ken pulisiya.
Kabayatanna, dagiti dadduma pay a napasaran a problema iti nasao nga ili iti katengngaan ti eleksiyon ket iti panag-palya iti sumagmamano a vote counting machines (VCM) ken dua iti na-reject a balota kalpasan a saan nga awaten ti makina gaputi maipagarop a pannaka-kunes ken pannaka-pigis daytoy.
