Impakita ti House of Representatives a saan nga mabalin a tagiawanen ti impila nga impeachment complaint kontra kenni Vice President Sara Duterte.
Daitoy ti waragawag ni sigud a Senator Leila De Lima a maysa met kadagiti nangipila ti reklamo.
Naibaga na daitoy kasaruno ti addang ti Kamara iti panag-impeached iti Bise Presidente a naangay iti maudi nga aldaw iti sesyon sakbay iti recess.
Kinuna ni De Lima nga inaramid laeng ti Kongrewso iti rumbeng nga addang para iti pagilian.
Innayon na pay nga iti impeachment ket san nga personal a laban ken saan laeng a mainaig kenni VP Sara kasta met a saan dapat a maibilang a panagpolitika nu di ket laban daitoy ti umili a Pilipino maibusor ti panangabuso, panagkunniber, panangilaksid iti institusyon, panagbastos, ken kinaawan ti respeto kadagiti proseso ti paglintegan ti Pilipinas.
Nalawag kunana dagiti alegasyon kas iti napartak a pannakagastar ti minilyon a confidential funds nga awanan iti nasayaat nga panangilawlawag ken panagusar iti posisyon para para iti bukod nga interes.
Dagitoy nga akusasyon ket panaglabsing iti Konstitusyon ken sisasango a panagtraydor iti umili a Pilipino.
Impunto na nga dagiti kuma kwarta a ginastar ti Bise Presidente ket naigatang lang kuman kadagiti agas dagiti masasakit, ayuda kadagiti napapanglaw, ken edukasyon.
Nagpanawagan isuna kadagiti grupo a nangipila ti impeachment complaints nga agbalin a nasiput ken bantayan ti proseso iti kaso agsipud ta adda manen dagiti aggaraw a makenarya ti politika a mangpasardeng kadaitoy.
