LA UNION – Inwaragawag ni NEDA Secretary Arsenio Balisacan a saan a napintas nga imahe iti mata dagiti investors ken iti reputasyon ti pagilian, dagiti kontrobersiya nga adda pakainaiganna iti Philippine Offshore Gaming Operators wenno POGOs.
Iti press briefing idiay Malakanyang, imbaga ni Balisacan a dacdackel iti social cost a patauden ti POGO ditoy pagilian, ngem iti maipapaay iti ekonomiya ti pagilian.
Impaganetget ni Balisacan a nakatutok ti gobyerno iti panagpartuat ti de kalidad a trabaho, saan ketdi a panagpartuat ti gambling jobs wenno saan a nasayaat a kita ti trabaho manipud iti sugal.
Segun kenni Balisacan, ikag-kagumaan ti gobyerno ken ni President Ferdinand Marcos Jr. nga agallokoy iti agpuonan wenno ag-negosyo ditoy pagilian ken mapasayaat iti kasasaad ti turismo.
Mamati iti sekretaryo a saan a paboran dagiti negosyante iti naduma-duma a criminal activities iti POGO.
