LA UNION – Nakabaluden idiay Bureau of Immigration & Deportation (BID) Central Office ti Koreano a wanted idiay South Korea kalpasan a maaresto daytoy dagiti otoridad idiay Barangay Natividad, ili ti Naguilian, La Union.
Nabigbig ti nasao a ganganaet a ni Lee Doo Ho, 64.
Naaresto ti Koreano gapu iti panaglabsingna iti Illegal Check Control Act base ti inyatnag a notice ti International Police (InterPol).
Karaman kadagiti immaresto iti nasao a ganganaet ket dagiti tauhan ti Criminal Investigation and Detection Group (CIDG) Cordillera Regiona, Regional Intelligence Unit-1, Naguilian Police Station ken BID.
