LA UNION – Dead on arrival iti ospital ti maysa a babai a Korean missionary kalpasan a natnag idi immuli daytoy iti atep ti simbaan partikular iti water tank.
Binigbig ti Rosario Police Station ti biktima a ni Park-Joo Seon, 51-anyos, pastora ti Missionary of Chesed Church idiay Brgy. Bani, Rosario, La Union.
Maibasar iti inisial nga imbestigasyon ti pulisya, naamuan nga immuli iti water tank ti kapilia ni Park idi makangngeg iti nanabtuog ni Leslie Abuan a taga-Pudoc, Bauang.
Idi sapulenna ti nagtaudan ti uni ket nakitana laengen ti nakadasay a ganggannaet iti daga isu a dagus a nagpaarayat kadagiti kakaduada.
Intaray ti maysa met laeng a pastor iti ospital ni Park ngem pimmusay daytoy gapu iti internal hemmorhage secondary to injury nangruna iti ulona.
