Inlawlawag ti Korte Suprema a saan pay a pinal ti opisyal a listaan dagiti aplikante, mainaig paylaeng iti mapapati a diskwalipikasyon ti aplikasyon ni Justice Secretary Jesus Crispin Remulla para ti kina-Ombudsman.
Segun iti inbinglay a mensahe ni Atty. Camille Sue Mae Ting, pannakangiwat ti Korte Suprema, iti ‘vetting process’ ti Judicial and Bar Council ket saan [ay a pormal a nangrugi.
Sakbayna ket adda dagiti agwarwaras nga impormasyon wenno isyu online a nagkuna a nadiskwalipika ti agdama a sekretaryo ti Department of Justice.
Iti biang met ni Remulla, saan na latta nga ibabawi iti aplikasyon na iti Judicial and Bar Council, indikasyon a mangnamnama paylaeng ti sekretaryo a maala isuna ti posisyon.
Apaman mapili ken naan-anay a madutokan kas baro nga Ombudsman ket sukatan na iti nagretiro a ni Ombudsman Samuel Martires bayat a maibati na met a bakante ti posisyon ti kina-Sekretaryo ti Department of Justice.
