Intuding ti Supreme Court en banc dagiti oral arguments kadagiti petisyon a mangkues-kuestion dagiti national budgets manipud 2024 aginggana 2026.
Ti maysa nga statement ket kenuna ti Office of the Spokesperson ti Korte Suprema a naka-schedule dagiti oral arguments inton Abril 8 ken Abril 22, nga agpada a maisayangkat iti oras nga alas-dyis ti bigat iti Session Hall ti Korte Suprema idiay Baguio City.
Sakbay ditoy, maisayangkat ti preliminary conference inton Pebrero 4 iti SC Session Hall idiay Manila.
Segun ti Korte, kidkiddawen dagiti petitioner a buklen dagiti mammanday-linteg, taxpayers ken concerned citizens nga ipaawan-bileg dagiti inaramid a panagbalbaliw ti Bicameral Conference Committee a nakapasidong ti national budget iti uneg ti nagsasaruno a tallo a tawen.
Maysa kadagti petision ket impila da sigud a Cong. Edcel Lagman, Camarines Sur Rep. Gabriel Bordado, Jr., Basilan Rep. Mujiv Hataman, sigud a senador Aquilino “Koko” Pimentel III, ken congressman Pantaleon “Bebot” Alvarez nga agkidkiddaw nga ideklara kas unconstitutional iti bicameral insertion nga aggatad ti ₱449.5 billion iti sidong ti 2026 General Appropriations Act.
Ti grupo a Filipinos for Peace, Justice and Progress Movement Inc. ket nangipila ti petision a mangkueskuestion iti amendments a naaramid iti Special Accounts ti General Fund ken dagiti dadduma pay nga appropriations iti sidong ti 2025 GAA.
Karaman met iti consolidated petitions iti impila da Caloocan Second District Rep. Edgar Erice ken Mamamayang Liberal (ML) party-list Rep. Leila de Lima a mangkweskwestion iti legalidad ti unprogrammed appropriations ti 2026 national budget.###
