Impasigurado ti legal team ti kampo ni sigud a Presidente Rodrigo Duterte a paneknekanda iti panagusig ti International Criminal Court (ICC) a “complete fiction” wenno parparbo laeng iti alegasion nga adda ti direktiba iti gobierno a patayen dagiti suspek iti sidong ti war on drugs.
Segun kenni defense counsel Nicholas Kaufman, agpannuray laeng iti kaso ti prosecution kadagiti saksi a maipagarup nga awanan ti kredibilidad.
Sinungbatanna iti desision ti ICC Pre-Trial Chamber I a kumpirmaren dagiti kaso a crimes against humanity a pakairamanan ti murder ken attempted murder kontra iti sigud a presidente.
Inlawlawag ni Kaufman, saan pay a nasukimat iti confirmation hearings iti redibilidad dagiti saksi ti prosekusion.
Binabalaw pay ti depensa dagiti maipagarup a posible a gunggona kadagiti saksi a kasukat dagiti istoryada, agraman ti panagbalin a natalged manipud iti aniaman a kaso ken panangipaay ti baro a pakabigbigan babaen kadagiti pondo manipud iti international community.
Impaganegget ti abogado nga awan ti dagsen dagiti ebidensya nga agtultuloy nga idatdatag dagiti kritiko ni Duterte.###
