Dumanon ti 76 iti kumpirmado a bilang dagiti pimmusay gapu iti uram iti MV June Aster idiay Coron, Palawan, segun ti Philippine Coast Guard.
Nanayunan daytoy ti 41 kalpasan a narekobre dagiti kanayonan a bangkay manipud iti uneg ti nauram a ferry. Agtalinaed a 43 dagiti nakalasat, bayat a 13 pay dagiti agdama a masapsapul.
Segun kenni PCG Spokesperson Commodore Noemie Cayabyab, maiturong idiay Coron dagiti narekobre a bangkay sakay ti BRP Cape Engaño para iti pannakaeksamen ken panangbigbig kadagiti biktima.
Maibasar iti manipesto, 134 iti nakalista a pasahero ken tripulante, ngem dua a nagan iti kumpirmado a saan a naglugan. Karaman met kadagiti narekobre iti bangkay ti maysa nga aso.
Kinuna ti PCG a mabalin nga agbaliw iti bilang bayat nga agtultuloy ti recovery ken identification operations.###
