LA UNION – Pormalen a nagtugaw kas ma-ikanim nga obsipo ti La Union ni Bishop Daniel Presto.
Iti naisayangkat a programa itay bigat nga dinar-ayan dagiti papadi a nagtaud pay iti nadmaduma a probinsya ken parokya ken dadduma pay nga personalidad manipud iti pribado ken pampubliko a sektor ket nagyaman ni Bishop Presto iti local a gobierno ti San Fernando City iti nabara a panangawat kenkuana kas baro nga obispo ti probinsya.
Kabayatan na, imbatad met ni Bishop Presto iti kinasagana ti simbaan a makitinnulong iti local a gobierno a mangi-promote ti human development, local culture, ecological develpoment, peace, sports, religious tourism ken dadduma pay.
Maipalagip, ni Bishop Presto ti simmukat iti binakante a posisyon ni sigud a Bishop Rodolfo Beltran a pimmusay idi napan a tawen.
Ni Bishop Presto ket manipud iti Iba, Zambales ken pormal a nagtugaw kas ma-ikanim nga obispo ti La Union ita nga aldaw August 2, 2018.
