LA UNION – Adda itan iti sidong ti ‘state of calamity’ ti intero a proibinsya ti La Union.
Daytoy ket kalpasan nga inanamungan iti La Union Provincial Board ti maysa a resulosyon tapno maaramat ti calamity fund ti probinsya a pangtulong kadagiti umili a nakaro a naapektan ti bagyo Ompong.
Base iti listaan ti La Union Provincial Disaster Risk Reduction and Management Office, umabuten iti P934 million ti balor iti nadadael a mula, P942,000 kadagiti dengnguen, ken P983 million met ti imprastraktura.
Ti probinsya iti La Union ket maysa kadagiti lugar iti Amianan a Luzon ti nakaro a dinalapos iti bagyo.
Iti agdama ket agtultuloy iti panangted ti tulong iti gobyerno-lokal kadagiti kakailyan a nakapadas ti nakaro nga apekto iti kalamidad.
