Agtaltalinaed a Covid 19 free iti La Union maibasar iti datos ti DOH Region 1.
Daytoy ti kinu a ni Adamor Dagang, Provincial Information & Tourism Officer iti La Union iti pannakiuman ti Bombo Radyo kenkuana.
Saan na met nga inlibak a nakaluganan ti dua a taga La Union ti maysa nga infected ti virus idiay probinsya ti Iloocos Sur no sadino dagitoy ket naipasidong metten iti swab testing ken maur-uray iti resulta na.
Nupay kasta, immuna a negative result iti resultada dagitoy idiay Manila.
Inlawlawag na a numan pay maipalubosen ti rumuar ket nasken a masurot latta dagiti naipaulog a pagannurotan.
Innayon na pay nga adu dagiti agkidkiddaw kadakuada ti tulong ngem ikakagumaanda a maipaayan ti solusyon dagiti kayatna ti agawid ditoy La Union.
Kabayatan na, mabalinen ti agluwas iti sabali a probinsya laketdi mangitugot dagitoy kadagiti napapateg a dokumento.
Inaklon na pay a dakkel iti nagbalin nga epekto ti Covid 19 iti turismo ti La Union ken adda metten dagiti nakasagana a tulongda kadagiti negosyante a napukawan ti panggedan mainaeg iti turismo.
