LA UNION – Naitandudo a Ranked as No.6 ti Udjong Archery Club iti kalkalpas nga International Archery Tournament 2018 idiay Malaysia.
Pakaibilangan daytoy da Shanel Samson, Franchesca Luis Celso, Angelina Jun Oreiro, ken Rogelyn Faith Arellano, dagitoy ket Grade 8 ken Grade 9 students iti Bacnotan National High School idiay ili ti Bacnotan, La Union.
Iti pannakiuman ti Bombo Radyo kenni archery coach GG Paragas idiay Malaysia, kinuna na a ti nasao nga sporting event ket inorganisa ti Malaysian Ministry of Education General & Islamic Secondary School ken first time ti makipaset iti Pilipinas.
Dagiti nakalaban iti uppat nga estudyante ket dagiti agad-adal iti Grade 11 ken Grade 12 manipud iti Top Archers ti pagilian a Malaysia ken India.
Manipud iti 48 teams ti archery ket ranked no. 6 ti Pilipinas, a nakipasetan iti aganay 236 girls archers iti sapasap nga Asya.
Kinuna pay ni Paragas a kalpasan iti panangabak da idiay Malaysia ket dagus da nga agturong idiay Vigan City, Ilocos Sur, tapno makipaset da Samson ken Arellano iti archery iti Palarong Pambansa 2018.
Kabayatan na, maangay met iti sumaruno a bulan iti 2nd layer ti Archery Cup a pakipasetan ti nadumaduma nga archers ti La Union ken kabangibang a rehiyon.
Manamnama a sumangpet ditoy pagilian iti nasao a bunggoy inton aldaw ti Biyernes, Abril 6.
