LA UNION – Maur-uray nu agbalinen a COVID-free ti La Union kalpasan iti anunsiyo ti lokal a gobiyerno ti Balaoan idi kalman, nga immimbagen iti 41-anyos a lalaki manipud Barangay Botobot Norte, Balaoan, La Union ken maibilbilang a naudi nga aktibo a kaso ti COVID-19 ditoy probinsiya.
Base iti public statement nga inruar ti LGU Balaoan, naka-recover metten manipud iti nasao a sakit iti pasyente, base iti dua a negative results ti test daytoy.
Nupay kasta, saan pay a naan-anay a na-discharge manipud Ilocos Training and Regional Medical Center (ITRMC) ti nasao a pasyente.
Iti agdama, awanen ti aktibo a kaso ti coronavirus ditoy probinsiya a La Union.
