LA UNION – Naragsakan ita iti kampo ni Tubao, La Union Municipal Mayor Dante Garcia iti pannakaibasura ti kaso a naidatag kontra kadakuada iti Sandigan Bayan.
Iti pannakiuman ti Bombo Radyo manipud kenni Atty. Vicente Cheng, legal counsel ni Mayor Garcia, binaliktad iti korte ti immuna a desisyon a naiyatnag tapno madusa isuna ken dagiti pito pay nga akusado a naidatagan iti graft charges.
Sigun iti abogado ti alkalde, awan ti napasamak a nga anomalya ken saan a nalabsing iti Procument Act base ti immunan a findings iti COA maipapan ti panaggatang kadagiti chemicals para iti fogging operation ti nasao ng ili ken napatalgedanda daytoy iti korte.
Maipalagip a nangipila iti motion for reconsideration idi ni Garcia tapno ibasura ti immuna a pangngeddeng ti Sandigan Bayan kalpasan a masentensyaan isuna kaddua dagiti pito nga akusado iti 40 a tawen a pannaibalud gapu ti alegasyon daydi Atty. Lazaro Gayo a vice-mayor idi ti Tubao, La Union nga over pricing a panaggatang kadagiti chemicals.
